२०. अवन्दियनिद्देसवण्णना

१७२. उक्खित्तोति आपत्तिया अदस्सने अप्पटिकम्मे च उक्खित्तको पापिकाय दिट्ठिया अप्पटिनिस्सग्गे उक्खित्तकोति तिविधो उक्खित्तको. नानासंवासको नाम लद्धिनानासंवासकोपि कम्मनानासंवासकोपि. गरुकट्ठो चाति पारिवासिको मूलायपटिकस्सनारहो मानत्तारहो मानत्तचारी अब्भानारहो च इध गरुकट्ठोति अधिप्पेतो. इमेहि पन अञ्ञमञ्ञं वन्दितुं वट्टतीति.

अवन्दियनिद्देसवण्णना निट्ठिता.