२४. अञ्जनीनिद्देसो

अञ्जनीति –

१८२. वट्टाट्ठसोळसंसा वा, मट्ठा वट्टति अञ्जनी;

तिस्सोपि मूले गीवायं, लेखा एकाव बन्धितुं.

१८३. यं किञ्चि रूपं मालादिकम्मं मकरदन्तकं;

गोमुत्तकड्ढचन्दादि-विकारं नेत्थ वट्टति.

१८४. लब्भेकवण्णसुत्तेन, सिब्बितुं थविका तथा;

सिपाटि कुञ्चिकाकोसो, सलाकापि अचित्तका.

१८५. सङ्खनाभिविसाणट्ठि-नळदन्तमया तथा;

फलकट्ठमया वेळु-लाखालोहमयापि च.

१८६. अञ्जनियो सलाकायो, धूमनेत्ता च लब्भरे;

तथा सत्थकदण्डानि, नत्थुदाना च तम्मयाति.