१६. वच्चपस्सावट्ठानिकनिद्देसो

वच्चपस्सावट्ठानिकन्ति –

१५६. न करेय्य यथावुड्ढं, वच्चं यातानुपुब्बिया;

वच्चपस्सावकुटियो, न्हानतित्थञ्च लब्भति.

१५७. पविसेय्युब्भजित्वा नो, सहसा पविसेय्य च;

उक्कासित्वावुब्भजेय्य, पादुकास्वेव सण्ठितो.

१५८. न करे नित्थुनं वच्चं, दन्तकट्ठञ्च खादयं;

वच्चपस्सावदोणीनं, न करेय्युभयं बहि.

१५९. कूपे कट्ठं न पातेय्य, खेळं पस्सावदोणिया;

नावलेखेय्य फरुसे-नुहतञ्चापि धोवये.

१६०. न निक्खमेय्य सहसा-वुब्भजित्वा न निक्खमे;

चपु चपु नाचमेय्य, उक्लापञ्च विसोधयेति.