३. परम्परभोजनसिक्खापदवण्णना

अञ्ञत्र समयाति पन निमन्तनतो पसवनतो भोजनापेक्खं पाचित्तियन्ति एके. एको भिक्खु पिण्डाय चरन्तो भत्तं लभति, तमञ्ञो चूपासको निमन्तेत्वा घरे निसीदापेसि, न च ताव भत्तं सम्पज्जति. सचे सो भिक्खु पिण्डाय चरित्वा लद्धभत्तं भुञ्जति, आपत्ति. कस्माति चे? ‘‘परम्परभोजनं नाम पञ्चन्नं भोजनानं अञ्ञतरेन भोजनेन निमन्तितो तं ठपेत्वा अञ्ञं पञ्चन्नं भोजनानं अञ्ञतरं भोजनं भुञ्जति, एतं परम्परभोजनं नामा’’ति (पाचि. २२७) वुत्तत्ता. पठमकथिनसदिसानि, इदं पन किरियाकिरिय’’न्ति पाठो.

परम्परभोजनसिक्खापदवण्णना निट्ठिता.