६. थेय्यसत्थसिक्खापदवण्णना

राजानं वा वञ्चेत्वाति राजानं थेनेत्वा रञ्ञो सन्तकं किञ्चि गहेत्वा, ‘‘इदानि तस्स न दस्सामा’’ति मग्गप्पटिपन्ना अकतकम्मा चेव कतकम्मा च चोराति वुत्तं होति. एस नयो सुङ्कं परिहरितुकामाति एत्थापि.

कालविसङ्केतेनाति कालस्स विसङ्केतेन, दिवसविसङ्केतेनाति वुत्तं होति. मग्गविसङ्केतेन, पन अटविविसङ्केतेन वा गच्छतो आपत्तियेव.

थेय्यसत्थसिक्खापदवण्णना निट्ठिता.