३. उक्कोटनसिक्खापदवण्णना

तस्स तस्स भिक्खुनोति येन येन वूपसमितं, तस्स तस्स भिक्खुनो. ‘‘अकतं कम्म’’न्तिआदीनि वदन्तोति ‘‘अकतं कम्मं, दुक्कटं कम्मं, पुन कातब्बं कम्मं, अनिहतं दुन्निहतं पुन निहनितब्ब’’न्ति (पाचि. ३९४) वदन्तो. यथाठितभावेन पतिट्ठातुं न ददेय्याति तेसं पवत्ति आकारदस्सनत्थं वुत्तं. तेनाह ‘‘यं पन धम्मेन अधिकरणं निहतं, तं सुनिहतमेवा’’ति.

उक्कोटनसिक्खापदवण्णना निट्ठिता.