६. गणचीवरसिक्खापदवण्णना

अञ्ञस्मिं परिक्खारेति यत्थ कत्थचि थालकादीनं वा सप्पितेलादीनं वा अञ्ञतरस्मिं. ‘‘समग्घकाले दस्सथा’’ति एवं आनिसंसं दस्सेत्वा निवारेन्तियाति ‘‘कित्तकं अग्घनकं दातुकामत्था’’ति पुच्छित्वा (पाचि. अट्ठ. ९०९) ‘‘एत्तकं नामा’’ति वुत्ते ‘‘आगमेथ ताव, इदानि वत्थं महग्घं, कतिपाहेन कप्पासे आहटे समग्घं भविस्सति, तस्मिं काले दस्सथा’’ति एवं आनिसंसं दस्सेत्वा निवारेन्तिया.

गणचीवरसिक्खापदवण्णना निट्ठिता.