९. तिरच्छानविज्जापरियापुणनसिक्खापदवण्णना

नवमे तिरच्छानविज्जन्ति यंकिञ्चि बाहिरकं अनत्थसंहितं हत्थिअस्सरथधनुथरुसिप्पआथब्बणखिलनवसीकरणसोसापनमन्तागदप्पयोगादिभेदं परूपघातकरं विज्जं. परियापुणेय्याति एत्थ यस्स कस्सचि सन्तिके तं पदादिवसेन परियापुणन्तिया पदगणनाय चेव अक्खरगणनाय च पाचित्तियन्ति.

तिरच्छानविज्जापरियापुणनसिक्खापदवण्णना निट्ठिता.