१०. तिरच्छानविज्जावाचनसिक्खापदवण्णना

दसमे वाचेय्याति पदं विसेसो. उभयम्पि सावत्थियं छब्बग्गिया चेव सम्बहुला भिक्खुनियो च आरब्भ तिरच्छानविज्जं परियापुणनवाचनवत्थुस्मिं पञ्ञत्तं. लेखे, धारणाय च, गुत्तत्थाय च यक्खपरित्तनागमण्डलादिके सब्बपरित्ते, उम्मत्तिकादीनञ्च अनापत्ति. तिरच्छानविज्जता, परियापुणनवाचना, अनुञ्ञातकारणाभावोति इमानेत्थ द्वीसुपि तीणि अङ्गानि. समुट्ठानादीनि पदसोधम्मसदिसानीति.

तिरच्छानविज्जावाचनसिक्खापदवण्णना निट्ठिता.

चित्तागारवग्गो पञ्चमो.