९. अनुपुब्बाभिसमयकथावण्णना

३३९. अनुपुब्बाभिसमयकथायं अथवातिआदिना इदं दस्सेति – चतुन्नं ञाणानं एकमग्गभावतो न एकमग्गस्स बहुभावापत्ति, अनुपुब्बेन च सोतापत्तिमग्गं भावेतीति उपपन्नन्ति पटिजानातीति.

३४४. तदाति दस्सने परिनिट्ठिते.

३४५. अट्ठहि ञाणेहीति एत्थ पटिसम्भिदाञाणेहि सह अट्ठसु गहितेसु निरुत्तिपटिभानपटिसम्भिदाहि सोतापत्तिफलसच्छिकिरिया कथं होतीति विचारेतब्बं.

अनुपुब्बाभिसमयकथावण्णना निट्ठिता.