६. ओपम्मसंसन्दनवण्णना

२८-३६. उपलद्धिसामञ्ञेन अञ्ञत्तपुच्छा चाति इदञ्च द्विन्नं समानता नो अञ्ञत्तस्स कारणं युत्तं, अथ खो विसुं अत्तनो सभावेन सच्चिकट्ठपरमत्थेन उपलब्भनीयताति विचारेतब्बं. ‘‘एकवीसाधिकानी’’ति पुरिमपाठो, वीसाधिकानीति पन पठितब्बं.

३७-४५. ‘‘अत्थि पुग्गलो’’ति सुत्तं अनुजानापेन्तेन उपलद्धि अनुजानिता होतीति मञ्ञमानो आह ‘‘उपलद्धिसामञ्ञं आरोपेत्वा’’ति. वीसाधिकानि नव पटिकम्मपञ्चकसतानि दस्सितानीति एतेन सुद्धिकसंसन्दनेपि ‘‘आजानाहि पटिकम्म’’मिच्चेव पाठोति विञ्ञायति. यञ्च वादमुखेसु सुद्धिकसच्चिकट्ठे ‘‘पटिकम्मचतुक्क’’न्ति वुत्तं, तम्पि ‘‘पटिकम्मपञ्चक’’न्ति.

ओपम्मसंसन्दनवण्णना निट्ठिता.