५. अनुस्सतिट्ठानसुत्तवण्णना

२५. पञ्चमे अनुस्सतिकारणानीति अनुस्सतियो एव दिट्ठधम्मिकसम्परायिकादिहितसुखानं हेतुभावतो कारणानि. निक्खन्तन्ति निस्सटं. मुत्तन्ति विस्सट्ठं. वुट्ठितन्ति अपेतं. सब्बमेतं विक्खम्भनमेव सन्धाय वदति. गेधम्हाति पञ्चकामगुणतो. इदम्पीति बुद्धानुस्सतिवसेन लद्धं उपचारज्झानमाह. आरम्मणं करित्वाति पच्चयं करित्वा, पादकं कत्वाति अत्थो.

अनुस्सतिट्ठानसुत्तवण्णना निट्ठिता.