४. ततियसमाधिसुत्तवण्णना

९४. चतुत्थे सण्ठपेतब्बन्ति सम्मदेव ठपेतब्बं. यथा पन ठपितं सण्ठपितं होति, तं दस्सेतुं ‘‘सन्निसादेतब्ब’’न्तिआदि वुत्तं. तत्थ सन्निसादेतब्बन्ति समाधिप्पटिपक्खे किलेसे सन्निसीदापेन्तेन चित्तं गोचरज्झत्ते सन्निसीदापेतब्बन्ति. एकोदि कातब्बन्ति अब्यग्गभावापादनेन एकग्गं कातब्बं. समादहितब्बन्ति यथा आरम्मणे सुट्ठु अप्पितं होति, एवं सम्मा सम्मदेव आदहितब्बं, सुट्ठु आरोपेतब्बं समाहितं कातब्बन्ति अत्थो.

ततियसमाधिसुत्तवण्णना निट्ठिता.