१०. आतप्पकरणीयसुत्तवण्णना

५०. दसमे सरीरसम्भवानन्ति सरीरे सम्भूतानं. दुक्खानन्ति अनिट्ठानं. बहलानन्ति निरन्तरप्पवत्तिया अविरळानं. तापनवसेनाति दुक्खापनवसेन. तिब्बानन्ति कुरूरानं. तासं यथावुत्तानं अधिवासनाय पहातब्बदुक्खवेदनानं पजहनं नाम खमनमेवाति आह ‘‘खमनत्थाया’’ति. आणापेत्वाति ‘‘आतप्पं करणीय’’न्ति बुद्धाणं विधाय. लोकियलोकुत्तरमिस्सका कथिता ससम्भारानं मग्गधम्मानं कथितत्ता.

आतप्पकरणीयसुत्तवण्णना निट्ठिता.