४-९. समणब्राह्मणसुत्तादिवण्णना

१०७-११२. चतुत्थे सामञ्ञन्ति अरियमग्गो, तेन अरणीयतो उपगन्तब्बतो सामञ्ञत्थं, अरियफलन्ति आह ‘‘सामञ्ञत्थन्ति चतुब्बिधं अरियफल’’न्ति. ब्रह्मञ्ञत्थन्ति एत्थापि एसेव नयो. तेनाह ‘‘इतरं तस्सेव वेवचन’’न्ति. अरियमग्गसङ्खातं सामञ्ञमेव वा अरणीयतो सामञ्ञत्थन्ति आह ‘‘सामञ्ञत्थेन वा चत्तारो मग्गा’’ति. पञ्चमादीनि उत्तानत्थानेव.

समणब्राह्मणसुत्तादिवण्णना निट्ठिता.