२. पविवेकसुत्तवण्णना

९४. दुतिये साणेहि वाकेहि निब्बत्तितानि साणानि. मिस्ससाणानि मसाणानि न भङ्गानि. एरकतिणादीनीति आदि-सद्देन अक्कमकचिकदलिवाकादीनं सङ्गहो. एरकादीहि कतानि हि छवानि लामकानि दुस्सानीति ‘‘छवदुस्सानी’’ति वत्तब्बतं लभन्ति. कुण्डकन्ति तनुतरं तण्डुलप्पकरणं. पञ्च दुस्सील्यानीति पाणातिपातादीनि पञ्च. चत्तारो आसवाति कामासवादयो चत्तारो आसवा. सीलग्गप्पत्तोति सीलेन, सीलस्स वा अग्गप्पत्तो.

पविवेकसुत्तवण्णना निट्ठिता.