८. पठमसूचिविमानवत्थु

९४४. ‘‘उच्चमिदं मणिथूणं विमानं, समन्ततो द्वादस योजनानि;

कूटागारा सत्तसता उळारा, वेळुरियथम्भा रुचकत्थता सुभा.

९४५. ‘‘तत्थच्छसि पिवसि खादसि च, दिब्बा च वीणा पवदन्ति वग्गुं;

दिब्बा रसा कामगुणेत्थ पञ्च, नारियो च नच्चन्ति सुवण्णछन्ना.

९४६. ‘‘केन तेतादिसो वण्णो…पे… वण्णो च ते सब्बदिसा पभासती’’ति.

९४८. सो देवपुत्तो अत्तमनो…पे… यस्स कम्मस्सिदं फलं.

९४९. ‘‘यं ददाति न तं होति,

यञ्चेव दज्जा तञ्चेव सेय्यो;

सूचि दिन्ना सूचिमेव सेय्यो.

९५०. ‘‘तेन मेतादिसो वण्णो…पे… वण्णो च मे सब्बदिसा पभासती’’ति.

पठमसूचिविमानं अट्ठमं.