११. पाटलिपुत्तपेतवत्थु

७९३. ‘‘दिट्ठा तया निरया तिरच्छानयोनि,

पेता असुरा अथवापि मानुसा देवा; सयमद्दस कम्मविपाकमत्तनो,

नेस्सामि तं पाटलिपुत्तमक्खतं; तत्थ गन्त्वा कुसलं करोहि कम्मं’’.

७९४. ‘‘अत्थकामोसि मे यक्ख, हितकामोसि देवते;

करोमि तुय्हं वचनं, त्वंसि आचरियो मम.

७९५. ‘‘दिट्ठा मया निरया तिरच्छानयोनि, पेता असुरा अथवापि मानुसा देवा;

सयमद्दसं कम्मविपाकमत्तनो, काहामि पुञ्ञानि अनप्पकानी’’ति.

पाटलिपुत्तपेतवत्थु एकादसमं.