७. योनिसोमनसिकारपञ्हो

७. राजा आह ‘‘भन्ते नागसेन, यो न पटिसन्दहति, ननु सो योनिसो मनसिकारेन न पटिसन्दहती’’ति? ‘‘योनिसो च महाराज, मनसिकारेन पञ्ञाय च अञ्ञेहि च कुसलेहि धम्मेही’’ति. ‘‘ननु, भन्ते, योनिसो मनसिकारो येव पञ्ञा’’ति? ‘‘न हि, महाराज, अञ्ञो मनसिकारो, अञ्ञा पञ्ञा, इमेसं खो, महाराज, अजेळकगोणमहिंसओट्ठगद्रभानम्पि मनसिकारो अत्थि, पञ्ञा पन तेसं नत्थी’’ति.

‘‘कल्लोसि, भन्ते नागसेना’’ति.

योनिसोमनसिकारपञ्हो सत्तमो.