३. सयनदायकत्थेरअपदानं

२०. ‘‘पदुमुत्तरबुद्धस्स, सब्बलोकानुकम्पिनो;

सयनं तस्स पादासिं, विप्पसन्नेन चेतसा.

२१. ‘‘तेन सयनदानेन, सुखेत्ते बीजसम्पदा;

भोगा निब्बत्तरे तस्स, सयनस्स इदं फलं.

२२. ‘‘आकासे सेय्यं कप्पेमि, धारेमि पथविं इमं;

पाणेसु मे इस्सरियं, सयनस्स इदं फलं.

२३. ‘‘पञ्चकप्पसहस्सम्हि, अट्ठ आसुं महातेजा [महावरा (सी.), महावीरा (स्या.)];

चतुत्तिंसे कप्पसते, चतुरो च महब्बला.

२४. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सयनदायको थेरो इमा गाथायो अभासित्थाति.

सयनदायकत्थेरस्सापदानं ततियं.