६. अम्बयागुदायकत्थेरअपदानं

२२. ‘‘सतरंसी नाम सम्बुद्धो, सयम्भू अपराजितो;

वुट्ठहित्वा समाधिम्हा, भिक्खाय ममुपागमि.

२३. ‘‘पच्चेकबुद्धं दिस्वान, अम्बयागुं अदासहं;

विप्पसन्नमनं तस्स, विप्पसन्नेन चेतसा.

२४. ‘‘चतुन्नवुतितो कप्पे, यं कम्ममकरिं तदा;

दुग्गतिं नाभिजानामि, अम्बयागुयिदं फलं.

२५. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा अम्बयागुदायको थेरो इमा गाथायो अभासित्थाति.

अम्बयागुदायकत्थेरस्सापदानं छट्ठं.