७. सुपुटकपूजकत्थेरअपदानं

२६. ‘‘दिवाविहारा निक्खन्तो, विपस्सी लोकनायको;

भिक्खाय विचरन्तो सो, मम सन्तिकुपागमि.

२७. ‘‘ततो पतीतो सुमनो, बुद्धसेट्ठस्स तादिनो;

लोणसुपुटकं दत्वा, कप्पं सग्गम्हि मोदहं.

२८. ‘‘एकनवुतितो कप्पे, यं पुटकमदासहं;

दुग्गतिं नाभिजानामि, पुटकस्स इदं फलं.

२९. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सुपुटकपूजको थेरो इमा गाथायो अभासित्थाति.

सुपुटकपूजकत्थेरस्सापदानं सत्तमं.