४. सकोसककोरण्डदायकत्थेरअपदानं

१४. ‘‘अक्कन्तञ्च पदं दिस्वा, सिखिनो लोकबन्धुनो;

एकंसं अजिनं कत्वा, पदसेट्ठं अवन्दहं.

१५. ‘‘कोरण्डं पुप्फितं दिस्वा, पादपं धरणीरुहं;

सकोसकं [सकोटकं (सी. स्या.)] गहेत्वान, पदचक्कं अपूजयिं.

१६. ‘‘एकत्तिंसे इतो कप्पे, यं कम्ममकरिं तदा;

दुग्गतिं नाभिजानामि, पदपूजायिदं फलं.

१७. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सकोसक [सकोटक (सी. स्या.)] कोरण्डदायको थेरो इमा गाथायो अभासित्थाति.

सकोसककोरण्डदायकत्थेरस्सापदानं चतुत्थं.