३. किङ्कणिपुप्फियत्थेरअपदानं

१०. ‘‘कञ्चनग्घियसङ्कासो, सब्बञ्ञू लोकनायको;

ओदकं दहमोग्गय्ह, सिनायि लोकनायको.

११. ‘‘पग्गय्ह किङ्कणिं [किङ्किणिं (सी.)] पुप्फं, विपस्सिस्साभिरोपयिं;

उदग्गचित्तो सुमनो, द्विपदिन्दस्स तादिनो.

१२. ‘‘एकनवुतितो कप्पे, यं पुप्फमभिरोपयिं;

दुग्गतिं नाभिजानामि, बुद्धपूजायिदं फलं.

१३. ‘‘सत्तवीसतिकप्पम्हि, राजा भीमरथो अहु;

सत्तरतनसम्पन्नो, चक्कवत्ती महब्बलो.

१४. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा किङ्कणिपुप्फियो [किङ्किणिकपुप्फियो (सी.)] थेरो इमा गाथायो अभासित्थाति.

किङ्कणिपुप्फियत्थेरस्सापदानं ततियं.