१. कोसियसिक्खापदवण्णना

५४२. तेन समयेनाति कोसियसिक्खापदं. तत्थ सन्थरित्वा कतं होतीति समे भूमिभागे कोसियंसूनि उपरूपरि सन्थरित्वा कञ्जिकादीहि सिञ्चित्वा कतं होति. एकेनपि कोसियंसुना मिस्सित्वाति तिट्ठतु अत्तनो रुचिवसेन मिस्सितं, सचेपि तस्स करणट्ठाने वातो एकं कोसियंसुं आनेत्वा पातेति, एवम्पि मिस्सेत्वा कतमेव होतीति. सेसं उत्तानत्थमेव.

छसमुट्ठानं, किरियं, नोसञ्ञाविमोक्खं, अचित्तकं पण्णत्तिवज्जं, कायकम्मवचीकम्मं,

तिचित्तं, तिवेदनन्ति.