४-५-६. चतुत्थपञ्चमछट्ठसिक्खापदवण्णना

११३६. चतुत्थपञ्चमछट्ठेसु सब्बं उत्तानमेव. सब्बानि तिसमुट्ठानानि चतुत्थं किरियं, सञ्ञाविमोक्खं, सचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति. पञ्चमं किरियाकिरियं, सञ्ञाविमोक्खं, सचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति. यञ्चेत्थ सङ्घेन परिच्छिन्दितब्बाति वुत्तं, तस्स उपपरिक्खितब्बाति अत्थो. छट्ठं किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं दुक्खवेदनन्ति. यं पनेत्थ ‘‘परिच्छिन्दित्वा’’ति वुत्तं, तस्स उपपरिक्खित्वाति अत्थो.

चतुत्थपञ्चमछट्ठसिक्खापदानि