८. अट्ठमसिक्खापदवण्णना

९१६-८. अट्ठमे – नटा नाम ये नाटकं नाटेन्ति. नटका नाम ये नच्चन्ति. लङ्घका नाम ये वंसवरत्तादीसु लङ्घनकम्मं करोन्ति. सोकज्झायिका नाम मायाकारा. कुम्भथूणिका नाम घटकेन कीळनका; बिम्बिसकवादकातिपि वदन्ति. देति आपत्ति पाचित्तियस्साति एत्थ चीवरगणनाय आपत्तियो वेदितब्बा. सेसं उत्तानमेव.

छसमुट्ठानं – किरियं, नोसञ्ञाविमोक्खं, अचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति.

अट्ठमसिक्खापदं.