९. नवमसिक्खापदवण्णना

९२१-४. नवमे – दुब्बलचीवरपच्चासायाति दुब्बलाय चीवरपच्चासाय. आनिसंसन्ति किञ्चापि ‘‘न मयं अय्ये सक्कोमा’’ति वदन्ति, ‘‘इदानि पन तेसं कप्पासो आगमिस्सति, सद्धो पसन्नो पुरिसो आगमिस्सति, अद्धा दस्सती’’ति एवं आनिसंसं दस्सेत्वा निवारेन्तिया अनापत्ति. सेसं उत्तानमेव.

तिसमुट्ठानं – किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, तिवेदनन्ति.

नवमसिक्खापदं.