७. सञ्चिच्चसिक्खापदवण्णना

४६४. सत्तमे – उपदहन्तीति उप्पादेन्ति. कुक्कुच्चं उपदहति आपत्ति पाचित्तियस्साति वाचाय वाचाय आपत्ति. अनुपसम्पन्नस्साति सामणेरस्स. मातुगामेन सद्धिं रहो मञ्ञे तया निसिन्नं निपन्नं भुत्तं पीतं, सङ्घमज्झे इदञ्चिदञ्च कतन्तिआदिना नयेन कुक्कुच्चं उपदहति, वाचाय वाचाय दुक्कटं. सेसमेत्थ उत्तानमेव. समुट्ठानादीनिपि अमूलकसदिसानेवाति.

सञ्चिच्चसिक्खापदं सत्तमं.