६. अमूलकसिक्खापदवण्णना

४५९. छट्ठे – अनुद्धंसेन्तीति ते किर सयं आकिण्णदोसत्ता ‘‘एवं भिक्खू अम्हे नेव चोदेस्सन्ति, न सारेस्सन्ती’’ति अत्तपरित्ताणं करोन्ता पटिकच्चेव भिक्खू अमूलकेन सङ्घादिसेसेन चोदेन्ति. सेसमेत्थ तेरसकम्हि अमूलकसिक्खापदे वुत्तनयत्ता उत्तानमेव.

तिसमुट्ठानं – किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, दुक्खवेदनन्ति.

अमूलकसिक्खापदं छट्ठं.