८. ब्रह्मसुत्तवण्णना

३८४. अट्ठमे काये वा भिक्खूति तस्मिं काले भिक्खुयेव नत्थि, एवं सन्तेपि यो सतिपट्ठाने भावेति, सो किलेसभिन्दनेन भिक्खुयेवाति दस्सेन्तो एवमाह. एकायनन्ति एकमग्गं. जातिक्खयन्तदस्सीति जातिया खयोति च अन्तोति च निब्बानं, तं पस्सतीति अत्थो. मग्गं पजानातीति एकायनसङ्खातं एकमग्गभूतं मग्गं पजानाति. एकायनमग्गो वुच्चति पुब्बभागसतिपट्ठानमग्गो, तं पजानातीति अत्थो.