११-१२. आगन्तुकसुत्तादिवण्णना

१५९-१६०. आगन्तुकागारन्ति पुञ्ञत्थिकेहि नगरमज्झे कतं आगन्तुकघरं, यत्थ राजराजमहामत्तेहिपि सक्का होति निवासं उपगन्तुं. अभिञ्ञा परिञ्ञेय्याति यथेव हि तेसं पुरत्थिमदिसादीहि आगतानं खत्तियादीनं वासो आगन्तुकागारे इज्झति, एवं इमेसं अभिञ्ञापरिञ्ञेय्यातिआदीनं धम्मानं अभिञ्ञापरिजाननादीहि सहविपस्सनस्स अरियमग्गस्स भावनाय इज्झन्ति, तेनेतं वुत्तं. नदीसुत्तं हेट्ठा वुत्तनयमेवाति.

बलकरणीयवग्गो नवमो.