५. सब्बअनिच्चवग्गवण्णना

४३-५२. अनिच्चवग्गे अभिञ्ञेय्यन्ति पदे ञातपरिञ्ञा आगता, इतरा पन द्वे गहितायेवाति वेदितब्बा. परिञ्ञेय्यपहातब्बपदेसुपि तीरणपहानपरिञ्ञाव आगता, इतरापि पन द्वे गहितायेवाति वेदितब्बा. सच्छिकातब्बन्ति पच्चक्खं कातब्बं. अभिञ्ञापरिञ्ञेय्यन्ति इधापि पहानपरिञ्ञा अवुत्तापि गहितायेवाति वेदितब्बा. उपद्दुतन्ति अनेकग्गट्ठेन. उपस्सट्ठन्ति उपहतट्ठेन. सेसं उत्तानमेवाति.

सब्बअनिच्चवग्गो पञ्चमो.

पठमो पण्णासको.