१७. सट्ठिपेय्यालवग्गो

१-६०. अज्झत्तअनिच्चछन्दसुत्तादिवण्णना

१६८-२२७. तदनन्तरो सट्ठिपेय्यालो नाम होति, सो उत्तानत्थोव. यानि पनेत्थ सट्ठि सुत्तानि वुत्तानि, तानि ‘‘छन्दो पहातब्बो’’ति एवं तस्स तस्सेव पदस्स वसेन बुज्झनकानं अज्झासयवसेन वुत्तानि. इति सब्बानि तानि पाटियेक्केन पुग्गलज्झासयवसेन कथितानि. एकेकसुत्तपरियोसाने चेत्थ सट्ठि सट्ठि भिक्खू अरहत्तं पत्ताति.

सट्ठिपेय्यालवग्गो.