४. दुतियअनिच्चसुत्तवण्णना

४६. चतुत्थे पुब्बन्तानुदिट्ठियोति पुब्बन्तं अनुगता अट्ठारस दिट्ठियो न होन्ति. अपरन्तानुदिट्ठियोति अपरन्तं अनुगता चतुचत्तालीस दिट्ठियो न होन्ति. थामसो परामासोति दिट्ठिथामसो चेव दिट्ठिपरामासो च न होति. एत्तावता पठममग्गो दस्सितो. इदानि सह विपस्सनाय तयो मग्गे च फलानि च दस्सेतुं रूपस्मिन्तिआदि आरद्धं. अथ वा दिट्ठियो नाम विपस्सनाय एव पहीना, इदं पन उपरि सह विपस्सनाय चत्तारो मग्गे दस्सेतुं आरद्धं. चतुत्थं.