५. बुद्धकथावण्णना

८८५. इदानि बुद्धकथा नाम होति. तत्थ ठपेत्वा तस्मिं तस्मिं काले सरीरवेमत्ततं आयुवेमत्ततं पभावेमत्ततञ्च सेसेहि बुद्धधम्मेहि बुद्धानं बुद्धेहि हीनातिरेकता नाम नत्थि. येसं पन अविसेसेनेव अत्थीति लद्धि, सेय्यथापि अन्धकानं; ते सन्धाय अत्थि बुद्धानन्ति पुच्छा सकवादिस्स, पटिञ्ञा इतरस्स. अथ नं बुद्धधम्मेहि अनुयुञ्जितुं सतिपट्ठानतोतिआदिमाह. इतरो तेसं वसेन हीनातिरेकतं अपस्सन्तो पटिक्खिपतियेवाति.

बुद्धकथावण्णना.