३. सामञ्ञफलकथावण्णना

८३५-८३६. इदानि सामञ्ञफलकथा नाम होति. तत्थ मग्गवीथियम्पि फलसमापत्तिवीथियम्पि अरियमग्गस्स विपाकचित्तं सामञ्ञफलं नामाति सकसमये सन्निट्ठानं. येसं पन तथा अग्गहेत्वा ‘‘किलेसपहानञ्चेव फलुप्पत्ति च सामञ्ञफलं, तस्मा असङ्खत’’न्ति लद्धि, सेय्यथापि पुब्बसेलियानं; ते सन्धाय पुच्छा सकवादिस्स, पटिञ्ञा इतरस्स. सेसमेत्थ हेट्ठा वुत्तनयत्ता यथा पाळिमेव निय्यातीति.

सामञ्ञफलकथावण्णना.