८. रूपं विपाकोतिकथावण्णना

७६५-७६७. इदानि रूपं विपाकोतिकथा नाम होति. तत्थ यं कम्मस्स कतत्ता उप्पन्ना चित्तचेतसिका विय कम्मस्स कतत्ता उप्पन्नं तं रूपम्पि विपाकोति येसं लद्धि, सेय्यथापि अन्धकानञ्चेव सम्मितियानञ्च; ते सन्धाय पुच्छा सकवादिस्स, पटिञ्ञा इतरस्स. अथ नं ‘‘यदि ते रूपं विपाको, एवंविधेन अनेन भवितब्ब’’न्ति चोदेतुं सुखवेदनीयन्तिआदिमाह. सेसं यथापाळिमेव निय्यातीति.

रूपं विपाकोतिकथावण्णना.