१. निग्गहकथावण्णना

७४३-७४४. इदानि निग्गहकथा नाम होति. तत्थ ये लोके बलप्पत्ता वसीभूता, ते यदि परस्स चित्तं निग्गण्हितुं न सक्कुणेय्युं, का तेसं बलप्पत्ति, को वसीभावो. बलप्पत्तिया पन वसीभावेन च अद्धा ते परस्स चित्तं निग्गण्हन्तीति येसं लद्धि, सेय्यथापि महासङ्घिकानं; ते सन्धाय परो परस्साति पुच्छा सकवादिस्स, पटिञ्ञा इतरस्स. तत्थ निग्गण्हातीति संकिलेसापत्तितो निवारेति. सेसमेत्थ यथापाळिमेव निय्यातीति. पग्गहकथायपि एसेव नयो.

निग्गहकथावण्णना.