१. पच्चयताकथावण्णना

७११-७१७. इदानि पच्चयताकथा नाम होति. तत्थ यो धम्मो हेतुपच्चयेन पच्चयो, सो येसं हेतुपच्चयेन पच्चयो, तेसञ्ञेव यस्मा आरम्मणानन्तरसमनन्तरपच्चयेन पच्चयो न होति, यो वा आरम्मणपच्चयेन पच्चयो, सो यस्मा तेसंयेव अनन्तरसमनन्तरपच्चयेन पच्चयो न होति, तस्मा पच्चयता ववत्थिताति येसं लद्धि, सेय्यथापि महासङ्घिकानं; ते सन्धाय पुच्छा सकवादिस्स, पटिञ्ञा इतरस्स. सेसमेत्थ यथापाळिमेव निय्यातीति.

पच्चयताकथावण्णना.