१०. नयथाचित्तस्स कायकम्मन्तिकथावण्णना

५६६-५६७. इदानि नयथाचित्तस्स कायकम्मन्तिकथा नाम होति. तत्थ यस्मा कोचि अञ्ञत्र गच्छिस्सामीति अञ्ञत्र गच्छति, तस्मा नयथाचित्तस्स कायकम्मं चित्तानुरूपं चित्तानुगतिकं न होति, विनापि चित्तेन पवत्ततीति येसं लद्धि, सेय्यथापि पुब्बसेलियानंयेव, ते सन्धाय पुच्छा सकवादिस्स, पटिञ्ञा इतरस्स. सेसमेत्थ हेट्ठा वुत्तनयेनेव वेदितब्बन्ति.

नयथाचित्तस्स कायकम्मन्तिकथावण्णना.