८. कुक्कुळकथावण्णना

३३८. इदानि कुक्कुळकथा नाम होति. तत्थ येसं ‘‘सब्बं, भिक्खवे, आदित्तं (सं. नि. ४.२८; महाव. ५४) सब्बे सङ्खारा दुक्खा’’तिआदीनि (ध. प. २७८) सुत्तानि अयोनिसो गहेत्वा ‘‘निप्परियायेनेव सब्बे सङ्खारा कुक्कुळा वीतच्चितङ्गारसम्मिस्सा छारिकनिरयसदिसा’’ति लद्धि, सेय्यथापि एतरहि गोकुलिकानं; तेसं नानप्पकारसुखसन्दस्सनेन तं लद्धिं विवेचेतुं पुच्छा सकवादिस्स, पटिञ्ञा परवादिस्स. तत्थ अनोधिं कत्वाति ओधिं मरियादं कोट्ठासं अकरित्वा, अविसेसेन सब्बेयेवाति अत्थो. सेसं सब्बं पाळिनयेनेव वेदितब्बं सद्धिं सुत्तसाधनायाति.

कुक्कुळकथावण्णना.