२-३-४. अञ्ञाणादिकथावण्णना

३१४. इदानि अञ्ञाणं, कङ्खा, परवितरणाति तिस्सो कथा नाम होन्ति. तत्थ येसं ‘‘अरहतो इत्थिपुरिसादीनं नामगोत्तादीसु ञाणप्पवत्तिया अभावेन अत्थि अञ्ञाणं, तत्थेव सन्निट्ठानाभावेन अत्थि कङ्खा. यस्मा च नेसं तानि वत्थूनि परे वितरन्ति पकासेन्ति आचिक्खन्ति, तस्मा नेसं अत्थि परवितरणा’’ति इमा लद्धियो, सेय्यथापि एतरहि पुब्बसेलियादीनं; तेसं ता लद्धियो भिन्दितुं तीसुपि कथासु पुच्छा सकवादिस्स, पटिञ्ञा च पटिक्खेपो च इतरस्स. तत्थ सब्बेसुपि पञ्हेसु चेव विस्सज्जनेसु च पाळिं अनुगन्त्वाव अत्थो वेदितब्बोति.

अञ्ञाणादिकथावण्णना.