४. दुतियधम्मविहारीसुत्तवण्णना

७४. चतुत्थे उत्तरि चस्स पञ्ञाय अत्थं नप्पजानातीति ततो परियत्तितो उत्तरि तस्स धम्मस्स सहविपस्सनाय मग्गपञ्ञाय अत्थं नप्पजानाति, चत्तारि सच्चानि न पस्सति नप्पटिविज्झतीति अत्थो. सेसवारेसुपि एसेव नयो. एवमेतेसु द्वीसुपि सुत्तेसु बहुस्सुतभिक्खु विपस्सनाकम्मिको सोतापन्नो सकदागामी अनागामी खीणासवोति छ जना धम्मविहारिनो नामाति वेदितब्बा.