१०. नारदसुत्तवण्णना

५०. दसमे अज्झोमुच्छितोति अधिओमुच्छितो गिलित्वा परिनिट्ठपेत्वा गहणसभावाय अतिरेकमुच्छाय तण्हाय समन्नागतो. महच्चा राजानुभावेनाति महता राजानुभावेन, अट्ठारसहि सेनीहि परिवारितो महतिया राजिद्धिया पायासीति अत्थो. तग्घाति एकंसत्थे निपातो, एकंसेनेव सोकसल्लहरणोति अत्थो. इति राजा इमं ओवादं सुत्वा तस्मिं ठितो धम्मेन समेन रज्जं कारेत्वा सग्गपरायणो अहोसि.

मुण्डराजवग्गो पञ्चमो.