७-१०. पापधम्मसुत्तचतुक्कवण्णना

२०७-२१०. सत्तमे पापन्ति लामकं संकिलिट्ठपुग्गलं. कल्याणन्ति भद्दकं अनवज्जपुग्गलं. सेसमेत्थ उत्तानत्थमेव. अट्ठमेपि एसेव नयो. नवमे पापधम्मन्ति लामकधम्मं. कल्याणधम्मन्ति अनवज्जधम्मं. सेसमेत्थ उत्तानत्थमेव. दसमेपि एसेव नयो. इमस्मिं वग्गे दससुपि सुत्तेसु अगारियप्पटिपदा कथिता. सचेपि सोतापन्नसकदागामिनो होन्ति, वट्टतियेवाति.

सप्पुरिसवग्गो पठमो.