८. देवदत्तसुत्तवण्णना

६८. अट्ठमे अचिरपक्कन्ते देवदत्तेति सङ्घं भिन्दित्वा नचिरपक्कन्ते. पराभवायाति अवड्ढिया विनासाय. अस्सतरीति वळवाय कुच्छिस्मिं गद्रभस्स जाता. अत्तवधाय गब्भं गण्हातीति तं अस्सेन सद्धिं सम्पयोजेन्ति, सा गब्भं गण्हित्वा काले सम्पत्ते विजायितुं नसक्कोन्ती पादेहि भूमिं पहरन्ती तिट्ठति. अथस्सा चत्तारो पादे चतूसु खाणूसु बन्धित्वा कुच्छिं फालेत्वा पोतकं नीहरन्ति. सा तत्थेव मरति. तेनेतं वुत्तं.