१०. गिहिसामीचिसुत्तवण्णना

६०. दसमे गिहिसामीचिपटिपदन्ति गिहीनं अनुच्छविकं पटिपत्तिं. पच्चुपट्ठितो होतीति अतिहरित्वा दातुकामताय पतिउपट्ठितो होति उपगतो, भिक्खुसङ्घस्स चीवरं देतीति अत्थो.

उपट्ठिताति उपट्ठायको. तेसं दिवा च रत्तो चाति ये एवं चतूहि पच्चयेहि उपट्ठहन्ति, तेसं दिवा च रत्तिञ्च परिच्चागवसेन च अनुस्सरणवसेन च सदा पुञ्ञं पवड्ढति. सग्गञ्च कमतिट्ठानन्ति तादिसो च भद्दकं कम्मं कत्वा सग्गट्ठानं उपगच्छति. इमेसु चतूसुपि सुत्तेसु आगारियपटिपदा कथिता. सोतापन्नसकदागामीनम्पि वट्टति.

पुञ्ञाभिसन्दवग्गो पठमो.