३. सरदसुत्तवण्णना

९५. ततिये विद्धेति वलाहकविगमेन दूरीभूते. देवेति आकासे. अभिविहच्चाति अभिविहनित्वा. यतोति यस्मिं काले. विरजन्ति रागरजादिरहितं. तेसंयेव मलानं विगतत्ता वीतमलं. धम्मचक्खुन्ति चतुसच्चधम्मपरिग्गाहकं सोतापत्तिमग्गचक्खुं. नत्थि तं संयोजनन्ति दुविधमेवस्स संयोजनं नत्थि, इतरम्पि पन पुन इमं लोकं आनेतुं असमत्थताय नत्थीति वुत्तं. इमस्मिं सुत्ते झानानागामी नाम कथितोति.