७. नप्पियसुत्तवण्णना

८७. सत्तमे अधिकरणिको होतीति अधिकरणकारको होति. न पियतायाति न पियभावाय. न गरुतायाति न गरुभावाय. न सामञ्ञायाति न समणधम्मभावाय. न एकीभावायाति न निरन्तरभावाय. धम्मानं न निसामकजातिकोति नवन्नं लोकुत्तरधम्मानं न निसामनसभावो न उपधारणसभावो. न पटिसल्लानोति न पटिसल्लीनो. साठेय्यानीति सठभावो. कूटेय्यानीति कूटभावो. जिम्हेय्यानीति न उजुभावा. वङ्केय्यानीति वङ्कभावा.